去到第三星期的《全職沒女》，劇情只能用全速發爛去形容，爛到要進入「棄劇時段」了！首星期靠陳松伶的眼淚吸引師奶觀眾，第二星期唔理師奶了，猛寫陳瀅發姣去勾引宅男觀眾，發完一個星期姣後，今個星期雙重低能情節出擊，第一是張兆輝這超級富豪，英明了十集，突然變了超低能，但勁唔攪笑，他追求陳松仱引致打嗝的情節及代前妻求婚的那場戲，低能到嘔心起雞皮程度，難頂到…好XXXXXXX難頂咯！另一超低能情節，是翻炒《我瞞結婚了》的橋，黃浩然因為追唔到黃翠如，於是追個一模一樣相貌的女仔補數。今次到高琛追唔到Hazel（王卓琪飾），然後又追番個小柔（同一演員飾演）做愛的替身！前後一個月唔夠，同一條橋炒兩次，真係爛到唔識形容，想收口抦少句都唔得！
編劇們，你們如此重複是想表達男人膚淺，只懂以貌取人，還是想話俾人知做編劇可以hea到唔駛用腦，一味抄襲就得咯！唔想成日俾人插，唔該專業些少啦！
全劇剩餘的看點是懷念曾守明！Amen
Search